Tommaso Campanella, De sensu rerum, p. 121
Primaque ars divina utitur isthac ipsorum spontanea pugna
ad
generandas in medio eorum res formosas continuo ad gloriam creatoris,
ut
patet. Cuius Idea manifestatur in formis multiplicibus ope instrumentorum
suorum
proprio gaudio et cura agentium, non autem
violentia Angelica impulsorum, ut Aristoteles putat. At animae motum
circularem esse fatetur
Averr. Quamvis corpus a circulo ipsam
impediat, ergo coelestis est. Quod autem res
immobilis ulla motum
non efficiat; nec coelum nec spiritum indigere re immota, nisi
ad fulcimentum
adiunctae corpulentiae, quo non indigent res ab illa
seiunctae,
alibi contra Aristotelem declaratum est.
Caput III.
Coelum propria virtute moveri,
stellasque a seipsis intra
coelum, ac fortasse Angelicas mentes illis
inditas
esse, ad actus, etc.
~ Visus est Aristoteli
motus coeli non a propria forma virtuteque,
sed ab Angelis manare, quos posuit
8. aequales numero
sphaerarum in 3. de coel. in 12. Metaphysic. autem 55.
Omne enim quod movetur ab alio motore distincto movetur,
sicut
(inquit) lapis a manu; corpus ab Anima, quae insidet sicut
navi nauta seorsum. Ignis
autem sursum, et terra deorsum a generante,
qui dedit formam, et consequentia, inter
quae motus est. Hanc ineptam
stoliditatem alibi aperui. Quae enim violenter moventur
aut ab
Arte, a separato motore moventur; naturaliter autem a propria forma;
ita
et coelum Generans quidem movet motu generationis, non
locali; nam perdito generante
ipsa forma per se movet; Quapropter
tellus per se movetur deorsum, et non a
generante. Sic et ignis sursum
a proprio calore fertur. Corpus autem ab Anima, quae
seipsam
per se movet; et motus corporis est illius impulsus, si intermanet
sicut
Nauta: velut Aristoteles hic Physic. 8. docet: qui sibi contradicens
in 2. de
An. materiae unitam sicut formam ponit; reprobatque
Platonem
volentem, sicut Nautam. Igitur inquam, coelum nobilissima
virtute praeditum
esse semper mobili, sicut et spiritus noster movetur
semper, esseque ignem qui
sursum magis non progreditur, quoniam
locus deest: nec deorsum quoniam occupatur ab
inimica terra.
Cumque sit natura mobilis, in gyrum agitari necesse habet. Nec
putandum
est igni alium non convenire motum nisi rectum. Hic enim